Operesheni ya Kumuua Khaled Meshaal (Jordan, 1997)
Na Mwandishi Wetu – Jaba Planet, Juni 23, 2025
Mnamo mwaka 1997, shirika la Mossad lilipanga kumuua Khaled Meshaal, aliyekuwa kiongozi wa juu wa Hamas wakati huo, akiwa uhamishoni mjini Amman, Jordan. Misheni hiyo ilionekana kama sehemu ya “kupunguza vichwa vya Hamas,” lakini mambo yalienda kombo kwa kiwango kisichoaminika — na madhara yake yalikuwa ya kidiplomasia na kisiasa kwa Israel.
Khaled Meshaal ni Nani?
Khaled Meshaal alikuwa mmoja wa viongozi wenye ushawishi mkubwa ndani ya Hamas, akihusika katika siasa na uhusiano wa kimataifa wa kundi hilo. Israel ilimwona kama "akili ya nyuma ya Hamas" – mwepesi, jasiri, na mpangaji mkuu wa mashambulizi dhidi ya taifa la Kiyahudi.
Mnamo Septemba 1997, timu ndogo ya mawakala wa Mossad ilitumwa nchini Jordan, ambako Meshaal alikuwa anaishi kwa muda chini ya ulinzi wa serikali ya kifalme. Lengo lilikuwa kumuua kwa kimya, bila kuchafua mikono, kwa kutumia sumu maalum ambayo haingeonekana kwa uchunguzi
Mawakala wawili walimfuata Meshaal alipokuwa anaingia kwenye ofisi ya Hamas mjini Amman. Mmoja alimsogelea kutoka nyuma na kumpulizia sumu ya neurotoxin kwenye sikio lake kupitia kifaa kidogo kama simu. Walitegemea Meshaal angeanza kuugua baada ya saa chache, kisha kufariki hospitalini kama mgonjwa wa kawaida.
Kosa Kubwa Lililowagharimu
1. Walishuhudiwa na walinzi wa Hamas
Walinzi wa Meshaal waliona tukio hilo na wakaanza kuwafukuza mawakala hao. Baada ya mzozo, mawakala waliokamatwa wakiwa hai na kukabidhiwa kwa polisi wa Jordan.
2. Jordan ikasema Hapana
Mfalme Hussein wa Jordan alikasirishwa na kitendo cha Israel kufanya mauaji ya kisiri ndani ya ardhi yake bila ruhusa. Aliitisha majibu kwa haraka.
3. Kiongozi wa Israel, Netanyahu, Akanaswa Kisaikolojia
Wakati huo Benjamin Netanyahu alikuwa Waziri Mkuu wa Israel kwa muhula wake wa kwanza. Jordan ilimtaka atoe antidote ya kuokoa maisha ya Meshaal, au uhusiano wa kidiplomasia uvunjwe.
Israel Ikalazimika Kusalimu Amri
Kwa hofu ya kuchafuka kwa uhusiano na taifa muhimu la Kiarabu, Israel ikalazimika kupeleka dawa ya kuponya sumu, ambayo ilimwezesha Meshaal kupona.
Zaidi ya hapo, Israel ilikubali kumuachilia kiongozi mwanzilishi wa Hamas, Sheikh Ahmed Yassin, aliyekuwa gerezani kwa hukumu ya maisha.
Aibu kwa Mossad Mawakala wake walikamatwa, kitu ambacho ni nadra kutokea.
Netanyahu alionekana dhaifu Kukubali masharti ya Jordan kulimwonyesha kama kiongozi aliyeshindwa kudhibiti mambo.
Ushindi kwa Hamas Khaled Meshaal alipona, na Sheikh Yassin aliachiliwa – nguvu ya kisiasa ya Hamas ikaongezeka.
“Hili ni kosa kubwa la kisiasa na maadili. Sitaruhusu nchi yangu kuwa uwanja wa mauaji ya siri.”
Jaribio la kumuua Khaled Meshaal liliipa Mossad pigo la heshima, na Israel ilijikuta ikifanya maamuzi magumu yaliyoinua adui yake aliyenuia kumuua. Katika dunia ya ujasusi, hatua moja mbovu huweza kubadilisha historia – kama ilivyotokea mjini Amman.
Jaba Planet itakujuza zaidi kuhusu misheni za kisiri za Mossad zilizoishia kufeli. Usikose sehemu inayofuata!
